منتدى البابا كيرلس ومارمينا يرحب بكم

كن مطمئنا جدا جدا ولا تفكر فى الامر كثيرا بل دع الامر لمن بيده الامر
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 تاملات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
† ANDORO †
خادم الرب
خادم الرب
avatar

عدد الرسائل : 104
تاريخ التسجيل : 17/08/2007

مُساهمةموضوع: تاملات   الأحد مارس 22, 2009 1:03 pm

+++++++++++++

كلمته لا ترجع فاضية
تضرب فى المليان
وعظة هزت المكان
ماهو الروح هز العليقةأقصد العلية , والعليقة كمان
هز القلوب زرع الحبوب دفنها موتها هز اللسان
والحنطة لازم تموت عشان تقوم
ولعازر ولو رابع يوم لازم يقوم
لازم مطر بعد الغيوم

يا سلام!!!
من كام يوم قال معرفوش
وحياة الهيكل المنقوش
وحياة الجسد والدم اللى كلته وشربته ومفهمتوش؟
عمركم مشيتوا على المية وماغرقتوش؟
وحياة موسى وإيليا معرفوش

أنت منهم شكلك لغتك تظهرك
إبعدى عنى الله يسترك
هو كل من لبس صوف يبقى خروف
+++++++++++++++++++++
سبحان مغير الأحوال!
ينخس قلوب آلاف
لسان جرئ شفاف
قال أعرفه أعرفه ومش باخاف
ماهو بكى وبكى بعد الديك ما اشتكى
وصحاه من النوم
معلهش كان يوم الشوم لحظة كآبة وندامة
بس رجع بالسلامة
+++++++++++++++++++
آهـ آهــ ياربى يسوع فكرتنى بالذكريات واللى فات

قال لى يا بطرس , الشيطان هايغربلك هايحللك
عاوز يشحورك يدهورك يكسرك
ويمكن يرجعك صياد سمك !!

إزاى يا معلم إزاى بتتكلم !!
مش ممكن يحصل بالمرة أنا الصخرة

طيب هافكرك وهاذكرك
بس ما تخافشأنا طلبت لك وهاحفظك وهاكللك

وكانت لحظة غربلة وكعبلة وبرجلة وهرجلة
الحياة مش لازم دايمآ مسطرة
الشيطان يغربل ويقرص
عاوز يزيح بطرس
لكن من المحال
الراجل راجل والعيال عيال
الجنيه جنيه والدولار دولار
والحصى حصى والغلال غلال
ويوسف هو يوسف رغمآ عن فوطيفار
ودانيال هو دانيال حتى فى قلب النار

هى لحظة إنكار
وسبحان مغير الأحوال
مش بنقول
نشكرك على كل حال ومن أجل كل حال وفى كل حال
لأنك سترتنا وأعنتنا وحفظتنا
حتى وقت الإنكار
فوقت بطرس بالديك
زى ما فوقت بلعام بحمار
************************


صلوا من اجلى

andoro
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تاملات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البابا كيرلس ومارمينا يرحب بكم :: قصص وتأمـــــلات :: قصص وتأمـــــلات-
انتقل الى: