منتدى البابا كيرلس ومارمينا يرحب بكم

كن مطمئنا جدا جدا ولا تفكر فى الامر كثيرا بل دع الامر لمن بيده الامر
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 ضحكات قداسه البابا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امير3000



عدد الرسائل : 623
تاريخ التسجيل : 28/09/2007

مُساهمةموضوع: ضحكات قداسه البابا   الإثنين أكتوبر 01, 2007 8:03 am

الصعيدى يوم القيامة
++++++
لا يلقى البابا شنودة النكت بالطريقة المعتادة بل يقوم بإستخدامها فى الرد على الأسئلة التى تطرح عليه فى الإجتماعات و تكون النكتة حراقة حسب السؤال و رد الفعل عند الرد، ففى إحدى المرات سأله راجل صعيدى و قال يا قداسة البابا أنا صعيدى وبلديات قداستك و جاى مصر علشان أسأل سؤال واحد ! هل فى يوم القيامة هانقوم صعايدة زى ما احنا و لا لع؟
و يرد البابا: فى الدينونة مش هاتقوم صعيدى ربنا هايكون صلحك على الآخر.. و تقوم كملائكة الله فى السماء.

بتتكلموا فى إيه
++++++
واحدة سألت البابا عن شخص إتعرفت عليه فى المصيف و إتصل بيها و خرجت مرة معه فهل إعجابه بها صادق!
و بعد أن وبخها البابا عن طريقتها فى التعامل مع الشاب و ليه أعطيته تليفونها سألها إنت مقلتليش خرجتوا مع بعض تتكلموا فى إيه بتتكلموا فى إن الشاروبيم أعظم أم السارفيم " أسماء ملائكة "!! أعقلى و أتكلى.

باللو
++++++
يقول البابا تعليقا على أحد الأديرة التى منعت إستقبال الرحلات أنه كان فى رحلة إلى دير ووجد هناك نحو 800 فرد يعنى الدير بقى " باللو "


بتعد اللقم
++++++
يقول البابا فى ناس بتراقب الناس بشكل صعب يعنى فى عزومة واحدة تقول للضيف أنت ما أكلتش من الصنف ده.. طاب و ايش عرفك.. أكيد بتعد عليه اللقم و واحد تانى بيقول للضيف كل من اللحمة.. يقول له أكلت فيرد عليه كل تانى.. يرجع يقوله انا أكلت حتتين لحمة.. فيرد بسرعة لع إنت أكلت 3 حتت!

النملة
++++++
يقول البابا زعموا إن نملة تمشت فوق منارة إحدى الكاتدرائيات ثم قالت النملة أنا آسفة إنى تقلت عليكى.

علشان يخدمه
++++++
فى إحدى المرات سأل واحد البابا.. ليه ربنا خلق الحيوان قبل الإنسان؟ فأجاب البابا .. هذه ليست ميزة للحيوان بل لكى يكون الحيوان فى خدمة الإنسان بس إوعى النساء تقول إن آدم إتخلق قبل حواء علشان يكون فى خدمتها.. و على كل حال آدم خدم حواء أكبر خدمة فهى إتخلقت من ضلعه.

سيئات
++++++
واحدة تشتكى إبنها للبابا بتقول: الواد ماكفر سيئاتى.. فقال: طيب إنتى ليه يكون عندك سيئات علشان يكفره االواد.

آكولة
++++++
واحدة بتسأل البابا و تقوله أنا عندى شهوة الأكل بدرجة كبيرة لدرجة إنى مهما أكون شبعانة آكل تانى.
فقال البابا: الحمد لله إن الكاتدرائية مافهاش أكل و أوعى تأكلى ذراع اللى قاعدة جانبك.

الذين غضبوا من الشريط ضحكوا على الفكاهات و لكنهم لم يستطيعوا أن يتأملوا الحكمة الرائعة الكامنة خلف النكت.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ضحكات قداسه البابا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البابا كيرلس ومارمينا يرحب بكم :: قصص وتأمـــــلات :: أضحـك وتـأمل-
انتقل الى: