منتدى البابا كيرلس ومارمينا يرحب بكم

كن مطمئنا جدا جدا ولا تفكر فى الامر كثيرا بل دع الامر لمن بيده الامر
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 الشمعة الحزينة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
امير3000



عدد الرسائل : 623
تاريخ التسجيل : 28/09/2007

مُساهمةموضوع: الشمعة الحزينة   السبت سبتمبر 29, 2007 2:15 pm

مريم كانت بتبسط اوى لما النور يتقطع عشان ماما تنور الشمعه وهى كانت تقعد تحكى مع الشمعه اصلها كانت بتقول انهاصاحبتها
وكانت سعات كتير تسالها انتى بتعيطى ليه (نقط الشمع) انتى حزينه علشان بتقلى وتتحرقى عشان تنوريلنا وكانت تقولها لا انا بحبك وبحب انورلك ومش بحب اسيبك فى الضلمة وفات حبه وقت كتير وانشغلت والدنيا خدتها وبقى ليها اصحاب تانى و فى مره كان نور البيت مقطوع وماما جابت الشمعه وولعتها كالعاده وفات وقت كبير والنور برضو منورش وشويه ومريم سمعت صوت
فدورت الصوت جاى منين ؟ ده صوت انين وحد بيبكى دورت ومشيت ورا الصوت لغايه ملقيت الصوت جاى من الشمعه ودار بينهم هذا الحوار
مريم : الله فى ايه انتى بتبكى ليه
الشمعه : انا بتحرق عشان انورلك
مريم : طول عمرك بتتحرقى عشان تنورى ايه الجديد
الشمعه : المفروض انى اتحرق عشان انور للى بحبهم وبيحبونى
مريم: انتى عارفه انى بحبك وبحب اتكلم معاكى
الشمعه : بس انتى نستينى وانشغلت عنى بأصحابك ومبقتيش تحكى معايا زى زمان
مريم: لا منسيتكيش بس ...
الشمعه: انا بتحرق وانورلك وانا مش مستنيه مقابل انا بس عايزاكى تحبينى زى مبحبك ومتنسيش صاحبتك اللى بتنورلك الضلمه
مريم : انا فعلا غلطانه وانشغلت عنك بس مكنتش عارفه انى مهمه اوى كدا عندك
الشمعه : لو مش مهمه عندى مكنتش هتحرق عشان انورلك
مريم : انا اسفه انا مش هنساكى تانى حتى لوبقى عندى اصحاب كتير عمرهم مهيكونوا زيك ولا يعملوا اللى بتعمليه عشانى انتى بتموتى عشان تخلصينى من الضلمه انتى اكيد بتحبنى جدا......

تعليق:
تعرفوا ان الرب يسوع كمان زى الشمعه اتصلب على الصليب ومات عشان يخلصنا من الظلمة ومش مستنى مقابل.... ناس كتير دايما تقول انها معندهاش وقت!!! ربنا مش عايز اكتر من حبة حب وحبة اهتمام وحبة وقت مش صعب ولا كتير على اللى ادانا كل حبه واهتمامه ووقته ....
متنسوش هو مش عايز كتير حبة حب وحبة اهتمام وحبة وقت تصوروا بس!!!!!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشمعة الحزينة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البابا كيرلس ومارمينا يرحب بكم :: قصص وتأمـــــلات :: قصص وتأمـــــلات-
انتقل الى: